Orísun: OJB News Yoruba | Akọroyin: Olalekan Akanji Ademeto, Abújá | Olootu: Lekan Lawal | Ojú-òpó: OJB Media Hub | Ọjọ́rú, 29, Oṣù Keje 2026.
Ààrẹ tẹlẹ orilẹ-ede Naijiria, Oloye Olusegun Obasanjo, ti sọ pe ọkan ninu awọn aṣiṣe nla ti o ṣe ni igbesi aye rẹ ni yiyan Alhaji Atiku Abubakar gẹgẹ bi igbakeji rẹ nigba idibo aarẹ 1999.
Obasanjo sọ ọrọ yii ni ọjọ Abamẹta kan ni Ile-ikawe Aare Olusegun Obasanjo (OOPL), ni Abeokuta, ipinlẹ Ogun, ninu eto ifihan awọn ọja ti awọn akẹkọọ ṣe.
KINI Ọ̀RỌ̀ GAN-AN TO SỌ ?
Baba naa n ṣalaye nipa igbesi aye rẹ ati aṣeyọri rẹ gẹgẹ bi ori ogun ati gẹgẹ bi aarẹ ijọba alagbada, o ni:
“Mi o ni wi pe mi o ṣe aṣiṣe, mo ṣe ọpọlọpọ. Ọkan ninu aṣiṣe ti mo ṣe ni yiyan ẹni ti o jẹ number two mi nigba ti mo fẹ di aarẹ. Ṣugbọn nitori aṣiṣe tootọ ni, Ọlọrun yọ mi” 6377336d
O tẹnumọ pe aṣiṣe naa jẹ aṣiṣe ti o ṣe ni otitọ inu, ṣugbọn Ọlọrun ni o gba oun la. Botilẹjẹpe ko darukọ orukọ Atiku taara ni ibẹrẹ, gbogbo eniyan mọ pe oun ni igbakeji rẹ lati 1999 si 2007.
O tun ni:
“I made a mistake choosing my number two”
### ẸYÍN RẸ
Obasanjo ati Atiku jọ gba ibo wọle ni 1999 ati ni 2003, ṣugbọn ibatan wọn bẹrẹ si bajẹ nigba ti Atiku tako igbiyanju Obasanjo lati lọ fun sáà kẹta. e925
Lẹyin ọrọ naa, ẹgbẹ PDP fun Obasanjo ni wakati 48 lati ṣalaye ọrọ rẹ, ti wọn ni bibẹẹkọ wọn yoo sọ fun awọn ọmọ Naijiria iru ẹni ti Obasanjo jẹ gan-an. dddc
Ọrọ yii tun waye ni akoko ti Atiku jẹ oludije aarẹ fun PDP fun idibo 2023, eyiti o mu ki ọrọ naa gbona si i lori ẹrọ ayelujara.
Ki ni ero rẹ si ọrọ Baba Obasanjo yii?
