Orísun: OJB News Yoruba | Akọroyin: Temitope Hafsat Lawal, Èkó | Olootu: Lekan Lawal | Ojú-òpó: OJB Media Hub | Ọjọ́ Iṣẹgun 4, Oṣù Kẹjọ 2026.
Ilé-iṣẹ Ọlọpaa Nàìjíríà ti bẹrẹ iwadii lórí Assistant Inspector-General of Police fún Zone 2, Eko, AIG Moshood Jimoh (Olohundare Jimoh) lẹyin ẹsun ìwà ìbajẹ, ìṣe àìṣòdodo àti lílo ipò lọna àìtọ́ ti gbajúmọ̀ ajijagbara lórí ẹrọ ayélujára, Martins Vincent Otse tí gbogbo ènìyàn mọ̀ sí VeryDarkMan fi kan an.
Nínú fídíò tí VDM fi sori Instagram rẹ̀ ní ọjọ́ Kẹtàlá (13) oṣù Keje 2026, ó pe AIG náà ní “ọlọpaa ibajẹ gidi” tí ó sì jẹ́ ewu sí ètò ìdájọ́ orílẹ̀-èdè Nàìjíríà.
KÍNNÍ KÓKÓ ẸJỌ́ NÁÀ ?
Ọ̀rọ̀ náà dá lórí ẹjọ́ ipaniyan Sherif Salami àti Prince Ademola Akinloye ní ọdún 2023. VDM sọ pé nígbà tí ọlọpaa lábẹ́ AIG Jimoh nígbà tí ó jẹ́ CP ní Ikeja mú àwọn afurasi méjì – Bariga ní ọjọ́ 6 oṣù Kínní 2026 àti Farbo ní ọjọ́ 24 oṣù Kínní 2026, kò sí níbi tí wọ́n ti dárúkọ Ahmed Tajudeen Akanbi nínú ìjẹwọ́ wọn tí wọ́n fi fídíò ṣe.
Ó sọ pé ní ìbẹrẹ̀ ìjẹwọ́ wọn, orúkọ Akanbi kò sí, ṣùgbọ́n lẹyin náà ni wọ́n fi ẹsun kan Akanbi. Nítorí náà, VDM gbá AIG lọ́wọ́ pé kí ó mú ìwé ìjẹwọ́ àtilẹ̀wá àwọn afurasi náà jáde.
“Tí o bá lè mú ohun tí mo béèrè jáde, kí wọn fi mí sẹwọn fún ẹsun èké sí ọlọpaa” – VeryDarkMan sọ bẹ́ẹ̀.
OHUN TUNTUN:
Lẹyin ẹsun náà, àwọn ọlọpaa ti pe VeryDarkMan fún ìbéèrè lati ipinlẹ Eko, ṣugbọn VDM sọ pe oun ko ni bọwọ fun pe naa, pe awọn ọga ọlọpaa n gbiyanju lati tẹ ẹnu rẹ mọlẹ.
VDM tún béèrè fún àtúnyẹ̀wò gbogbo ẹjọ́ tí AIG Jimoh ti ṣe nígbà tí ó wà ní Èkó, pé “ó ṣeé ṣe kí àwọn aláìṣẹ̀ púpọ̀ ti wọlé túbú lásán”.
Titi di bayii, ile-iṣẹ ọlọpaa sọ pe iwadii naa n tẹsiwaju, wọn yoo si jẹ ki gbogbo eniyan mọ abajade rẹ.
Ìròyìn yìí jẹ́ ti OJB News Yorùbá – Ìtàn, Ìsọ̀rọ̀, Ìgbódò, Ìmọ̀lẹ̀
