50,000 OWO IRANLỌWỌ IJỌBA APAPỌ, OPAY ṢÀLÀYÉ ẸNI TÍ Ó TỌSI ÀTI ÀWỌN ONÍJÌBÌTÌ

Orísun: OJB News Yoruba | Akọroyin: Muyideen Akinro, Ìbàdàn | Olootu: Lekan Lawal | Ojú-òpó: OJB Media Hub | Ọjọ́ Iṣẹgun 3, Oṣù Kọkànlá 2026 | ojbmediashub.com.ng | +2348066952410

Ilé-iṣẹ́ owó pàṣípààrọ̀ lórí ẹ̀rọ ìbánisọ̀rọ̀, tí ó tún fowo pamọ fáwọn ara ìlú nnì, , OPay, ti ṣàlàyé bí àwọn oníbàárà rẹ̀ ṣe lè ṣàyẹ̀wò bóyá wọ́n yẹ fún owó ìrànlọ́wọ́ oṣooṣù N50,000 ti Ìjọba Àpapọ̀ fún àwọn ọmọ Nàìjíríà tí kò ní àǹfààní, ó sì kìlọ̀ fún àwọn ènìyàn lórí àwọn apànìyàn oníjìbìtì tó ń lo ètò náà láti ṣe jìbìtì.

KÍNI N50,000 NERSI?

Ìwádìí OJB News Yorùbá fihàn pé orúkọ ètò náà ni National Emergency Relief and Stabilisation Intervention (NERSI) – ètò pajawiri ti Ìjọba Àpapọ̀ láti dín ìnira ọrọ̀-ajé kù.

Ìjọba ti bẹ̀rẹ̀ sí í san N50,000 lóṣooṣù fún àwọn tí a yàn.

OPay jẹ́ ọ̀kan lára àwọn ilé-iṣẹ́ márùn-ún tí Ìjọba fọwọ́ sí láti san owó náà: ALAT by Wema (*945*23#), MoMo PSB (*671*0#), NairaGram (*726*00#), OPay (*955*20#) àti Moniepoint (*557*327#).

OPay kì í ṣe òun ló ń pinnu ẹni tí ó yẹ – Ìjọba ló ń pinnu.

BÁWO NI O ṢE LÈ MỌ̀ BÓYÁ O YẸ?

Gẹ́gẹ́ bí OPay ṣe sọ:

“Owó ìrànlọ́wọ́ oṣooṣù N50,000 ti Ìjọba Àpapọ̀ ṣètò rẹ wà fún àwọn ọmọ orílẹ̀-èdè tó yẹ nìkan. Àwọn oníbàárà tó yẹ yóò rí ìkìlọ̀ tó jáde (pop-up notification) lórí ojú ìwé àkọ́kọ́ ti app OPay wọn. Ẹ tẹ ìkìlọ̀ náà láti tẹ̀síwájú.”

Àwọn ọ̀nà ìbánisọ̀rọ̀ tí ó tọ́ ni ípasẹ̀ app OPay – ẹ wá ìkìlọ̀ tó jáde lórí ojú ìwé àkọ́kọ́

Tàbí nípasẹ̀ USSD: *955*20# fún OPay

Láti béèrè síwájú: pè 0700-022-2222 – nọ́mbà ìrànlọ́wọ́ NERSI

Ìjọba tẹnu mọ́ ọn pé àwọn tí ó yẹ kò nílò láti forúkọsílẹ̀, san owó ìforúkọsílẹ̀, tàbí lo aṣoju kankan.

KÌLỌ̀ PÀTÀKÌ LÓRÍ JÌBÌTÌ!

OPay tẹnu mọ́ ọn gidigidi:

OPay kò ní béèrè PIN tàbí OTP rẹ láti san owó NERSI rí.

OPay kò ní béèrè BVN rẹ.

Má ṣe san owó fún aṣoju kankan.

Má ṣe tẹ àwọn link tí a ránṣẹ́ lórí WhatsApp bíi “Click this link to apply and claim your FG 50k on Opay” – èké ni.

“ OPay will never ask for your PIN or OTP to process a NERSI relief payment. Do not pay any agent or click unverified links,” ilé-iṣẹ́ náà sọ.

Ọ̀pọ̀ apànìyàn ti bẹ̀rẹ̀ sí í ránṣẹ́ lórí WhatsApp, Facebook pé kí ẹ tẹ link kan láti gba owó náà. Gbogbo wọn jẹ́ èké.

ÌRÒYÌN ÌṢÁÁJÚ:

Bí adajọ ilé ẹjọ́ àjọ àwọn òṣìṣẹ́ ṣe pàṣẹ fún àwọn agbófinró láti fi ọwọ òfin mú alaga àwọn NURTW ni ipinlẹ Èkó Mustapha Adekunle Sego ati akowe rẹ, kí wọn ó ti wọn mọ ọgbà ẹ̀wọ̀n Kirikiri, Ńí àwọn èèyàn ti ń beere pé kinni Sego ṣe, ṣugbọn eyii ni nnkan tó ṣẹlẹ̀ tí wọn fi dero ẹ̀wọ̀n…..

Kínní òfin orile-ede Naijiria sọ nípa sìn sìn òkú sínú ilé’gbe tí ẹnì náà fowo ara rẹ kó. *kinni òfin sọ lórí a ń sìn òkú sínú ile’gbé…..

ÌMỌ̀RÀN OJB NEWS YORÙBÁ FÚN ÀWỌN ARA IPINLẸ OYO ÀTI OGUN

Ẹ má ṣe fún ẹnikẹ́ni ní PIN, OTP, tàbí BVN yín.

Ẹ ṣàyẹ̀wò nínú app OPay nìkan, kì í ṣe lórí Google Form.

Bí ẹ bá rí ìkìlọ̀ nínú app yín, ẹ tẹ̀lé ìlànà tó wà nínú rẹ̀.

Bí ẹ bá ní ìbéèrè, ẹ pè NERSI ní 0700-022-2222, kì í ṣe nọ́mbà ẹlòmíràn.

Ètò N50,000 yìí jẹ́ ọ̀fẹ́ fún àwọn tí Ìjọba yàn. Ẹ ṣọ́ra kí ẹ má ṣe jẹ́ kí apànìyàn gbá owó yín.

OJB News Yorùbá – A ń fún ọ ní òtítọ́, a ń dáàbò bo ọ lọ́wọ́ jìbìtì.